Rydym yn defnyddio cwcis ar ein gwefan. Darganfyddwch fwy am ein cwcis drwy glicio yma.

Englishen
Agor Dewislen Symudol

Ein Cynllun Corfforaethol 2025-2030

 

Darllen ein Cynllun Corfforaethol llawn

Gwyliwch y fideo esboniadol hwn i ddysgu mwy

Mae ein Cynllun Corfforaethol yn nodi beth rydym am ei gyflawni erbyn 2030.

Mae’n adlewyrchu ein gweledigaeth a’n gwerthoedd, ein hegwyddorion sylfaenol, a’r gweithredoedd allweddol rydym yn dymuno eu cyflawni.

Ein Gwerthoedd

Mae ein gwerthoedd yn siapio popeth a wnawn.

Maent yn dangos ein hymrwymiad i wneud ein gorau, bod yn onest, a gofalu am ein cwsmeriaid a’n cymunedau.

Mae’r gwerthoedd hyn yn ein helpu i ddarparu gwasanaethau o’r radd flaenaf a gwneud gwahaniaeth cadarnhaol bob dydd.

Agored a Theg

Uchelgeisiol

Dibynadwy 
  • Rydym yn agored ac yn deg o ran sut rydym yn ymateb i gwsmeriaid a sut rydym yn gweithredu ein busnes.
  • Rydym yn agored ac yn gynhwysol i bawb, gan ymddwyn yn deg ac yn ddiduedd a pharchu urddas ac unigoliaeth pawb.
  • Rydym yn agored i weithio mewn partneriaeth gydag eraill i yrru ein hamcanion a dyheadau.
  • Rydym yn uchelgeisiol wrth fynd i’r afael ag anghydraddoldeb, gyrru ein rhaglen adeiladu o’r newydd a chreu cyfleoedd i’n cwsmeriaid.
  • Rydym yn croesawu creadigrwydd a newid wrth chwilio am ffyrdd gwahanol a newydd o wneud pethau i arwain y ffordd.
  • Rydym yn ceisio gwella beth rydym yn ei wneud yn barhaus, a sut rydym yn ei wneud, ac rydym eisiau cryfhau ein safle fel un o’r prif ddarparwyr tai.
  • Mae pobl yn gallu ymddiried a dibynnu arnom a byddwn yn ymatebol gan barchu a gofalu am ein cwsmeriaid.
  • Rydym yn sicrhau’n barhaus ein bod yn darparu gwerth am arian o’n gwasanaethau ac yn eu teilwra i ymateb i anghenion ein cwsmeriaid sydd wrth galon popeth a wnawn.

Dros y pum mlynedd nesaf rydym am ganolbwyntio ar bedwar maes blaenoriaeth:

Caiff ein cenhadaeth a’n gwerthoedd eu cefnogi gan sawl egwyddor allweddol sy’n arwain ein gwaith ac yn sicrhau ein bod yn cyflawni’r canlyniadau gorau posib ar gyfer ein cwsmeriaid a’n cymunedau.

Mae’r egwyddorion hyn wrth galon popeth yr ydym yn ei wneud

  • Gwella ein cartrefi:

    Rydym yn buddsoddi yn ein cartrefi i’w gwneud yn fwy
    diogel ac yn well.

    Erbyn 2030, byddwn yn anelu at wneud ein holl gartrefi yn ynnieffeithlon (EPC C – SAP 69).

    Mae hyn yn golygu gwell insiwleiddio, ffynonellau ynni adnewyddadwy, a thechnoleg fodern i gadw cartrefi’n gyffyrddus ac effeithlon.

  • Gwneud gwahaniaeth cadarnhaol:

    Rydyn ni yma i wella bywydau ein cwsmeriaid a’n cymunedau.

    Byddwn yn mynd i’r afael â materion fel tlodi, problemau iechyd meddwl, ac unigrwydd drwy wrando ar ein cwsmeriaid a gweithio gydag awdurdodau lleol a sefydliadau i ddiwallu anghenion amrywiol.

    Byddwn yn cefnogi addysg, hyfforddiant a chyfleoedd gwaith i helpu pobl i gyrraedd eu llawn botensial.

    Drwy weithio gyda phartneriaid lleol, byddwn yn creu llwybrau ar gyfer twf personol a phroffesiynol, gan helpu pawb i ffynnu.

  • Creu mwy o gartrefi:

    Rydym yn gwybod bod yna angen am dai o safon.

    Mae Llywodraeth Cymru yn bwriadu adeiladu 20,000 o gartrefi cymdeithasol carbon isel newydd erbyn 2026, ac rydym yn awyddus i helpu drwy adeiladu mwy o gartrefi cymdeithasol a fforddiadwy.

  • Meithrin diwylliant ‘un tîm’:

    Ein tîm yw ein cryfder. Byddwn yn buddsoddi yn ein staff, gan roi’r sgiliau a’r cymorth sydd eu hangen arnynt.

    Rydym yn annog creadigrwydd a bod yn arloesol ac yn defnyddio data i wneud penderfyniadau call, gwella ein gwasanaethau ac aros ar y blaen yn y sector tai.