Tendra
Rydym wedi cyhoeddi ein menter ddiweddaraf o’r enw Tendra, gyda’r nod o feithrin twf a datblygiad o fewn y sector adeiladu lleol.
Mae Tendra wedi’i sefydlu i chwalu’r rhwystrau a wynebir gan gwmnïau adeiladu bychain, yn enwedig wrth ddelio â rhwystrau gweinyddol wrth wneud cais am gontractau.
Gyda’r is-bennawd “Adeiladu’r dyfodol, un tendr ar y tro,” nod y prosiect yw helpu busnesau bach i lywio gwaith papur a magu hyder i gynnig am waith, gan gynnwys contractau mwy trwy lwyfannau fel GwerthwchiGymru
Mae Tendra wedi cael ei gefnogi gan Gronfa Her ARFOR, menter ar y cyd gan Gynghorau Sir Gaerfyrddin, Ceredigion, Gwynedd ac Ynys Môn i archwilio datrysiadau i gryfhau’r berthynas rhwng yr iaith Gymraeg a’r economi ac fe’i hariennir gan Lywodraeth Cymru
Trwy gydol 2024, bydd Tendra yn cynnig cyfres o weithdai am ddim wedi’u teilwra i anghenion busnesau adeiladu bychain. Bydd y sesiynau’n ymdrin â phynciau hanfodol megis deall gwerth cymdeithasol, prisio swyddi’n effeithiol, blaenoriaethu iechyd a diogelwch, cael achrediadau angenrheidiol, a datblygu matrics hyfforddi cynhwysfawr.
Mae’r gweithdai hyn wedi’u cynllunio i rannu’r wybodaeth a’r sgiliau sydd eu hangen i ffynnu mewn tirwedd diwydiant cystadleuol i helpu busnesau adeiladu bach yn y sector.
Bydd cefnogaeth ymarferol, adnoddau, a chyfleoedd rhwydweithio a bydd Tendra hefyd yn meithrin cynaliadwyedd a llwyddiant hirdymor y busnesau hyn.
Hyfforddiant
Rydym yn cynnal hyfforddiant i helpu busnesau lleol rhwng Medi a Rhagfyr 2024.
- Cynhelir gweithdai ar:
- Y broses gaffael
- Gwerth Cymdeithasol
- Achrediadau
- Sut i brisio swydd
- Iechyd a Diogelwch
- Hyfforddiant.
Bydd pob gweithdy yn para dwy i dair awr. Er mwyn bwcio lle, mae angen e-bostio info@tygwyrddfai.cymru.
Dyma’r amserlen:
-
Rhaglen hyfforddiant Medi - Rhagfyr 2024
Medi 2024 Diwrnod Pwnc Tiwtor 9 Dydd Llun Caffael Ffion Casey 10 Dydd Mawrth Gwerthoedd Cymdeithasol Llinos Bracegridle 11 Dydd Mercher Achrediadau (cynnwys hyfforddiant) CIST/ Mike Roberts 12 Dydd Iau Iechyd a Diogelwch CIST 13 Dydd Gwener Sut i brisio job (cynnwys M3 Schedule) Busnes@LLM Hydref 2024 Diwrnod Pwnc Tiwtor 7 Dydd Llun Caffael Ffion Casey 8 Dydd Mawrth Gwerthoedd Cymdeithasol Llinos Bracedgridle 9 Dydd Mercher Achrediadau (cynwys hyfforddiant) CIST/ Mike Roberts 10 Dydd Iau Iechyd a Diogelwch CIST 11 Dydd Gwener Sut i brisio job (cynnwys M3 Schedule) Busnes@LLM Tachwedd 2024 Diwrnod Pwnc Tiwtor 4 Dydd Llun Caffael Ffion Casey 5 Dydd Mawrth Gwerthoedd Cymdeithasol Llinos Bracedgridle 6 Dydd Mercher Achrediadau (cynwys hyfforddiant) CIST/ Mike Roberts 7 Dydd Iau Iechyd a Diogelwch CIST 8 Dydd Gwener Sut i brisio job (cynnwys M3 Schedule) Busnes@LLM Rhagfyr 2024 Diwrnod Pwnc Tiwtor 2 Dydd Llun Caffael Ffion Casey 3 Dydd Mawrth Gwerthoedd Cymdeithasol Llinos Bracedgridle 4 Dydd Mercher Achrediadau (cynwys hyfforddiant) CIST/ Mike Roberts 5 Dydd Iau Iechyd a Diogelwch CIST 6 Dydd Gwener Sut i brisio job (cynnwys M3 Schedule) Busnes@LLM
Profiadau gyda Tendra
-
Mark Owen Heating – Elite Renewable Solutions
Enw: Mark Owen
Enw’r Cwmni: Mark Owen Heating – Elite Renewable Solutions
Wedi eu lleoli yng Nghaernarfon ond yn trafeilio i weithio ar hyd gogledd Cymru.
Proffil y cwmni:
Cafodd y cwmni gwreiddiol, Mark Owen Heating ei sefydlu nol yn 2006, gyda’r un newydd, Elite Renewable Solutions mond yn ddau fis oed. Eu prif gwaith yw trwsio a gwasanaethu unedau ‘pwmpiau gwres’, gyda’r nôd o adeiladu nifer sefydlog o gwsmeriaid dros y 5 mlynedd nesaf.
Ydi gofynion cwsmeriaid wedi newid ers i chi gychwyn yn 2006?
Efo pobol yn defnyddio Google mae cwsmeriaid yn gwybod mwy am y gwaith ac yn mynnu mwy, am bethau fel ‘after service’, sy’n beth da, oherwydd mae ‘na lot o bobol yn
gosod unedau ond ddim yn neud yr ‘after service’, sy ddim yn ffordd dda o edrych ar ol eich cwsmeriaid, sy’n bwysig i ni. Er enghraifft, ‘da ni erbyn hyn yn reid dwy flynadd o ‘guarantee’ ar ein gwaith ni i gyd, lle na mond blwyddyn di’r ‘industry standard’.
Pam mynychu’r cwrs?
Dwi’n meddwl bodi’n bwysig cadw’r sgilia fyny a ‘networkio’, fel yna fedrwni drio cael pobol gwahanol i mewn i weithio i ni, a efo ni, a gobeithio gallu cyd-weithio efo cwmniau fel Adra. Hefyd, i fi gael dysgu y broses tendro a bod ar yr ‘approved register’ efo Adra a Cyngor Sir Gwynedd.
Oes yna gyrsiau eraill yr ydych yn meddwl eu mynychu yn y dyfodol?
Dwi wedi reid enw fi lawr ar un ne ddau o gyrsiau yn Ty Gwyrddfai yn barod, petha fel ‘ventilation’ a ballu. Mechanical Engineer dwi, so dwi’n neud yr ochor ‘gas’ a plymio, ond dwi’n gobeithio gai fynd ymlaen yn mis Ionawr i neud cwrs ‘electrician’ drw Grwp Llandrillo Menai.
Cadw mewn cysylltiad
Ar gyfer perchnogion busnesau bach yn y diwydiant adeiladu sy’n dymuno cael gwybod am y gweithdai a’r digwyddiadau sydd i ddod a gynhelir gan Tendra, mae cofrestru diddordeb bellach ar agor.
Anfonwch e-bost at info@tygwyrddfai.cymru i sicrhau eich lle.
