TPAS Cymru yn lansio ei 5ed Arolwg Pwls Tenantiaid Blynyddol

Mae’r arolwg yn canolbwyntio ar gynhesrwydd fforddiadwy, effeithlonrwydd ynni, a’r daith tuag at dai Sero Net.

Mae’n gyfle i denantiaid rannu eu profiadau a lleisio’u barn ar faterion sydd bwysicaf iddyn nhw – biliau ynni, cynhesrwydd fforddiadwy.

Pam fod yr arolwg TPAS hwn yn bwysig i chi fel tenant Adra?

Y llynedd, rhoddodd tenantiaid Adra fewnwelediadau amhrisiadwy a luniodd drafodaethau tai ledled Cymru.

Eleni, mae’r arolwg yn canolbwyntio ar feysydd allweddol fel Tystysgrifau Perfformiad Ynni (EPC) ac a yw gwresogi yn fforddiadwy – cwestiynau hanfodol ar gyfer darparu cartrefi sy’n wirioneddol ynni-effeithlon. Mae’r mewnwelediadau hyn yn hanfodol i’n helpu ni, a’r sector, i symud ymlaen tuag at nod Cymru o gyflawni tai Net Sero.

Mae’r arolwg hwn yn rhoi cyfle arall i wneud yn siŵr bod lleisiau tenantiaid yn ganolog i greu cartrefi sy’n gynhesach, yn wyrddach ac yn fwy fforddiadwy.

Manylion yr arolwg:

• Dyddiad cau: 14 Chwefror 2025
• Linc i’r arolwg: https://tpascymru.questionpro.eu/affordablewarmth
• Raffl: Fel diolch, gall tenantiaid gymryd rhan yn raffl TPAS am gyfle i ennill gwobrau bwyd Cymreig anhygoel!